خانمه‌ ئه‌كته‌رى ناودارى ئه‌مریكى فرح فاوست له‌ ته‌مه‌نى 62 ساڵیدا كۆچی دوایی كرد .
فاوست له‌ ساله‌كانى حه‌فتایه‌كانى سه‌ده‌ى ڕابردوو وه‌ك ئه‌كته‌رێكى ناودارى ته‌له‌فزیۆنى هاته‌ ناساندن ، ئه‌مه‌ش به‌هۆى ئه‌و ڕۆله‌ گرنگه‌ى له‌ زنجیره‌ى "فریشته‌كانى چارڵی" Charlie's Angels"دا بینیوه‌ .

یه‌كێك له‌ هاوڕێ نزیكه‌كانى فاوست ڕایگه‌یاند كه‌ ناوبراو له‌م ماوه‌یه‌ى دوایدا له‌گه‌ڵ ئه‌كته‌رى سینه‌مایی ریان ئۆزیل ژیانى هاوسه‌ریه‌تى پێك هێناوه‌ . هه‌روه‌ها فاوست له‌ ماوه‌ى نێوان ساڵانى 1973 تا 1982 خێزانى لی میگۆرز ئه‌ستێره‌ى زنجیره‌ى پیاوه‌ شه‌ش ملیۆن دۆلارى بوو .

 شایانى باسه‌ فاوست خۆى بۆ به‌ده‌ستهێنانى خه‌ڵاتى ئیمى و گۆلدن پاڵاوتبوو ، به‌ڵام نه‌یتوانى هیچ یه‌ك له‌م خه‌ڵاته‌ سه‌ره‌كیانه‌ به‌ده‌ست بێنێت . وه‌ له‌ ساڵی 1995 به‌ ئه‌ستێره‌یه‌كى دره‌وشاوه‌ چوو ناو ڕیزى هۆلیود .